-->

حقائق صادمة عن ديمة زيتون ! لم تكن تعرفها

حقائق صادمة عن ديمة زيتون ! لم تكن تعرفها





    اسمي ديمة زيتون ، بعرف انكم بتعرفو انه اسمي ديمة زيتون ، بس يلي ما بتعرفوه انه مين هي ديمة زيتون ؟ انتو بتعرفوها اسم بس لا بتعرفو شو كانت ولا كيف صارت ، ديمة زيتون كانت شخصية جدا هاملة من جماعة شاركني بشاركك عالفيس بوك وصنم بلوك وردها واحد بردها عشرة ، ديمة كانت بكل بوست تنزله لازم تكون موجودة فيه كلمة الموت وقديشها بتتمناه ، كانت انسانة عايشة سبهللة ، يعني زبطت زبطت ما زبطت عادي مش فارقة ، يعني بالمختصر عايشة كل يوم بيومه ، مع انه في مقولة بتحكي ابني للمستقبل عشان تعرف كيف تنسى بناءك لماضيك ، انت مستني مني اقلك كيف صرت صح ؟
    هسا بحكيلك بس بعد ما احكيلك كم شغلة عني
    عمري 19 سنة ، سكان الاردن يلي كتييير مبعرفو وين ساكنة ، مش مرتبطة ، ليش ما ارتبطت؟ كمان هلا بقلك صبرك على رزقك ، بدرس بعيد توجيهي ، طب هي فيديوهاتها ناجحة ليش ما نجحت؟ كمان هلا بقلك مالنا
    لما كان عمري 15 سنة حضرت فيلم عن سر انجذاب الكلام الك يلي هو قانون الجذب يعني اي اشي انتا بتحكي عقلك تلقائي رح يعمله ، وفعلا قررت اقوم اكتبلي كم شغلة عشان نويت اسوي كتاب ، كتاب شو ؟ بسم الله هيك فجاة! اه اه هيك فجاة رحت عالغرفة وطلعت وحكتلهم بدي االف كتاب
    وفعلا الفته ، ما لقى كتير نجاح بس مبسوطة كتير لانه قدرت اعمل انجاز ولو بسيط شوي ، فتت بمجال الفيديوهات الالقاء ، حبيت كتير تفاعل الناس مع الاشي يلي بحكيه قاعده ، ليش ما حبيت لانه بحس ازا حبيت رح اعطي كلشي بحبه للشخص يلي بحبه ف رح افقد قيمتي ، مع انه الحب مش فقد قيمة وبتكسبي ذاتك اكتر بس انا قررت انه اختار نفسي فوق الشخص يلي بدي اختاره ، مع العلم اني ما جربت الحب بس لو ناوية اجربه اكيد رح اجربه مع شخص نهايته قرار الزواج ، ليش ما نجحت لاني التهيت بالسوشال ميديا ، وصراحة كتير اصدقاء اثرو على حياتي عاطفيا ، مش حب صداقة بس ! وهمي سبب تراجعي بالدراسة وهمي سبب نجاحي بالسوشال ميديا .




    انا حياتي زي اي حياة بني ادم عادي ، بنام بزعل بحرد بضحك ، مش معناته انا شخص تحفيزي يعني اضل اضحك للكاميرا 60 ساعة ، بس لما كنت من جماعة شاركني بشاركك هدول الله يسخطهم 😂 كنت كتييير بتمنى الموت مبعرف ليش يمكن لانه حياتي ما كانت زابطة ! او لا لا يمكن لانه حياتي فراغ ، او مبعرف في اشي كان متعبني كتير بس مبعرف شو هو 
    لهيك قررت اغير حياتي واقلبها 180 درجة ، او حتى لو زدتها 20 درجة ما عندي مانع ، ترا بتفكرو انه الدرجات مبتفرق بس لا لا بتفرق ، عندك النص درجة لو زادت بتعمل لحياتك انفراج ، ولو نقصت بتعمل لحياتك حداد وبتخليها حادة ، ترا انا مش مفلسفة بس بحب ادخل بالفلسفة ، المهم نرجع لموضوعنا ، والله وفعلت وطلعت هالكتاب وصرت ترللي ، تلفزيون ولقاءات ولبس جديد وشياكة ، وعلى قولة السوريين صرت امشي مشية المأنزعة😂 يا ارض اشتدي ما حدا قدي😂😂 بتزكر يوم ما روحت من مقابلة تلفزيون رحت روحت دغري عالمدرسة عشان افرجي صحباتي انه ها شوفوني وين صرت مخبثني😂ويومها تجمعو علي زي الذبان ،، انا والله مش خبيثة بس الحياة بتلزمها خباثة معلش معلش ، طبعا ايش انا بوقتها حسيت حالي عاملة انجاز عظيم ! حررت فلسطين 😂

    هي كانت جزء من حياتي واذا حابين كفيلكم 


    البروفيسور
    @مرسلة بواسطة
    ���� ����� ����� ���� �� ���� ديشكو - Deshko .